جمعه ۲۹ دی ۱۳۹۶ -

Qashqai Online

یادداشتی از عبدالرحیم مسعودیان برای آقای پیران درخشان و استاد فرهاد گرگین پور

جناب پیران درخشان و دکتر فرهاد گرگین پورینگ آباده شهرینده آموزشگاه موسیقی وورماگلاری باهاناسونا

موسیقی و ادبیات ایکی شاخا بیر آغاجداندور کی اگر بو شاخلارا و آغاجا لایق و حورمتلی و دوزجه ائتیشیله
سونوندا فرهنگ و هویت بو آغاجونگ ثمریدیر...
فرهنگ آغاجی دونیا باغی ایچینده
آیروخسو آغاج دور...
چوخ دویغولی
احتیاطلی...
و ظریف و اوز البته چوخ ده یرلی و موهیم....

هر قومونگ و میلتینگ فرهنگی آغاجی
او قومونگ دونیاسی باغونونگ گورنتیسی و نیشانودور...
هر ائلی و میللتی سئیه رلر تانویالار
باخویرلار او قومونگ فرهنگی آغاجونا...
ثمرینه و شاخ و بلگینه...
گورگ ناقاد ثمرلی دیر
ناقاد گوی دیر....

قشقایی ائلی و قومودا داهی ائل لر تکین
فرهنگینینگ بیر آغاج واری
او آغاجونگ
ده آیروخسی باخوشدا و معیاردا
گوزله یینی....

هر کیم هر یولی کی باشارا بیلییر بو یولدا ایاق گوتیریر تا بیزیم فرهنگمیز آغاجی
خزان یئلیندن و داهی تافاق لاردان
ایراق اولا....

بیر زامانی نکیسالار ایشله میش لر
سورا حبیب خان خانواداسی
فرود و فرهاد لار
.مرحوم طهمورث خان
مرحوم محمود خان اسکندری
و داهی بویوگ اینسان لار کی آدلارینی سئیه گ آپاراگ چوخدورلار...
چوخ زحمت چکمیش لر بیزیم موسیقی ایچی.

بو اورتدا سه تار سازی و موسیقی سینده
بیر ارزیشلی اینسان کی هونری ارزشیمند و قابیل بیلمی و دیه رلی دیر
جیناب پیران درخشان دیر...
پیران الحق هونر یولوندا هر تعریفده درخشان دیر....
آی و اولدوز و گون
بو اینسانونگ هونری قاباخوندا باغداش ووروب و باخوشا غرق اولموش لار....

بئگون کی دونیادا
قشقایی قوموندا
پیران هونری 《سه تار》 آیروخسودور....
بیر داهی دیل و باخوشدا اولیر بوجور بیان ائدنگ کی
هونر او زامان ارزشیمند و ده یه رلی دیر کی آرری اولا....و
گوج لی اولا...

پیران هونری
اوزی تکین
اخلاقی و مرامی و گوینی تکین آرری دیر...
و تلاشی و ایشله مگی تکین گوج لی دیر....
و بو باعیث اولیر کی پیران
داهی ایشله ین لردن چوخ چوخ ایله ری اولا...
و تاسف گوزیندن بیزیم دونیادا واردور اینسانلار کی هونرچی اولموش لار آما رقابت میدانوندا اینسالوگ و اخلاق و هونر اخلاقونی یادان چاخارتموش لار و اله بو باعث و بانی بو اولموش کی هونر کاروانوندان گئری قالا لار....

آما پیران بو میداندا دا اوزی آغ دور....
هئچ زامان هونر یولوندا هونر اخلاقونی یاددان چاخارتماموش....

پیران دان یازماگ و هونریندن یازماگ چوخ آسان ایش دئیل...
تعارف سیز اولیر دئیه نگ آللوم یاشلانیر
آما وظیفه باخوشونودان لازوم بیلدیم کی یازموش اولام...

آما قشقایی میللتی
ده بیر وظیفه واری پیران هونری و داهی هونرچی لرنیز هونری قولونجوندا.

《او دا حمایت و حمایت دیر..
ارزیش قائل اولماگدیر...》

☆عزیز قشقایی لار بیز فرود گرگین پوری اوجور کی گورگ هونریندن ایشله ده سیدیگ ایشله یه مادیگ.
چوخ راحتر دئیه م قدرینی بیلمدیگ و واروموز بیلیراگ کی الان نه ناراحت کننده وضعیت ده دیر...
و اما.....
ایندی بیزیم هلز واروموز اینسان لار کی تا واردورلار وارلوق لاروندان و هونر و سوادلاروندان ایشله یاسویاگ...

دکتر فرهاد گرگین پور بیر گنجینه دیر
هونردن ...

عزیز قشقایی لار بو اینسان تا واردور گورگ قدرینی بیلگ
هونرینن و
سوادینن
ایشله دگ...

عزیز هونرچی لر گلینگیز اوستادلوگ و بقولی واری لحاظ دن اوزوموزی بیلن بیلدیگ آیوراگ و تا بو اینسان واردور بئلسیندن ایشله دگ...

خوشبختانه جناب درخشان آبادایا بیر آموزشگاه وورموش لار کی اوزله ری سه تار آموزش و گورسه دیرلر
و استاد دکتر فرهاد گرگین پور ده
هم ادبیات و هم موسیقی درس وئریرلر

بو آموزشگاه بیر دیه رلی آموزشگاه دور

و بیر فورصت کی شاعرلر و هونرچی لر
اوزلرینی سواد و هونر لحاظینان آپارالار اوخاری...

《گلینگیز حمایت ائدمگینن اوزومیزی گورسدگ 》

اوز نوباما...

جناب درخشانا یورولمازلوگ و ینگی
گورسدمه لی ایشینه کی آدونی ده درخشان قویموش لار و گون تکین درخشان اولور بو یولدا، تبریک دئیرام ....


مهربان تارودان توفیق آرزوسی واروم..

عبدالرحیم مسعودیان(جوشغون)

1395 ایلینینگ مهری آیی..شیراز

مجموع رتبه (0)

0 از 5 ستاره

نظر خود را اضافه کنید.

ارسال نظر به عنوان مهمان

0
  • هیچ نظری یافت نشد