جمعه ۲۹ دی ۱۳۹۶ -

Qashqai Online

به بهانه تصادف قطار تبریز و سمنان

شعر ترکی *یانان قطارلار* از عبدالرحیم مسعودیان (جوشغون)

  • شناسه خبر : 1781
  • دسته بندی خبر : شعر

هاینا-هاینا،هارا گئدیر بو قطار
هاینا-هاینا،هارا گلیر او قطار
واگن یوللار قولاغێنا هارایلار
خوش خییالدا پنجره لر قار یاغێر
قارغا قطار قوجاغێنا قار یاغێر..!

ثانیه لر،بیر دقه یاش ائدمه میش
دوربین هلز عکسه فلش آتمامێش
نرگیس قیزی قیش الینه چاتمامێش
ایکی آینا سونیر بیر-بیر الینده
ایکی قطار سینیر بیر-بیر الینده...!

دمیر یولو عینکی یاش باغلایێب
هرنه بولوت آسسێماندان آغلایێب
ایککی قطار بیر یول ایچی ساخلایێب
اۇت اۇینایار هارایلانێر قێز سسی
اۇت ایچینده بوغولور تبریز ،سسی..!

یاندێ قطار ،یاندێ انسان،یاندێ تورک
یاندێ تبریز،یاندێ سمنان،یاندێ تورک
یاندێ اوره گ ،یاندێ ایران،یاندێ تورک
تورک قطاری تبریز -سمنان یوخودور
قشقایی و اوروم-زنجان یوخودور...!

کیملر گؤرگ آغلایاسی بو درده
گۆلمگینی ساخلایاسی بو درده
گؤین و جانێ داغلایاسی بو درده
تورک دونیاسی میلتینیگ اینسانی
او کی بیلسه اینسان دردی دارمانی.....!

مدرن دونیا اۆزۆ قره ، ریز علی
جی پی اس لر گؤزو قره ،ریز علی
تقصیر کارێنگ سؤزو قره ، ریز علی
ایکی قطار اۇت ایچینده کۆل اۇلدو
قێرخ بئش نفر قبری باشی گۆل اۇلدو.....!

عبدالرحیم مسعودیان
جوشغون/شیراز.

(تبریز-سمنان قطاری تصادفی و اوت توتماگی بهاناسونا...)
6.آذر.95

مجموع رتبه (0)

0 از 5 ستاره

نظر خود را اضافه کنید.

ارسال نظر به عنوان مهمان

0
  • مهمان - یوسف

    ساغ اول سن عبدالرحیم خدا رحمت ادسین همزبانلارموزه .....................سنینگ اجرینگ الله ورسین عبدالرحیم کاکا